Photo TAG

اعجبتني قصيده منشوره اليوم في القبس رأيت ان اشارككم فيها .. وهي للشاعر : عبدالمحسن عبدالعزيز الدويش

والشاعر - ماشالله – متمكن بالفصحى كما بالنبطي .. ماني مطول اترككم مع القصيده

حَيّ الحبيب اللي له القلب منحازْ – الجادل اللي زيزَّم القلب قَزَّهْ

حيَّه عدد ما ناح ورق وما جازْ– لهل الهوى بالنوح في كل حَزَّهْ

آنا وعديل الروح يا حمود ننجازْ– واللَّاش مالي به ولو كان رَزَّهْ

عيني على اللي مبسمه فيه غمَّاز–عطشان بَرْشفْ من شفَاياه مَزَّهْ

ماني من اللي للدنافيس معتازْ — ولاني برجوا جاهلٍ فيه هَزَّهْ

يا حمود ماني للعذارى بلمَّازْ– آخذ وخلي وراعي الطيبْ عَزَّهْ

لا من دهاك الوقت خلّاك يا البازْ– مَنْهوك حيلك ما تقاويت فَزَّهْ

ضاق الوسع يا حمود ناخيك معتازْ– والوقت من هجر المْحبين لَزَّهْ

راعي المراجل والمواصيل ما فازْ–وكم واحد في وقتك القرشْ عَزَّهْ

يا مورّد الخدّين ناصيك دَزَّازْ– من لاهج باقصى الحشا زاد دَزَّه

شاريك يا سيد الرعابيب ما جَازْ — تعطيه تالي الوقت بالعين خَزَّه

مع ذا ولاني للمشاكيل هَمَّازٌ– هَمّي على من زيزَم القلب قَزَّه 

القبس الاربعاء 19 نوفمبر 2008 العدد 12743